أولاً
لتعرف http://www.elections2011.eg/ ادخل رقمك القومي هنا
بيانات لجنتك - حدود الدائرة الانتخابية - أي بيانات أخرى هامة عن الدائرة
ثم المرشحين قائمة وفردي في دائرتك
معلومات مهمة
محتاج تعرف ايه رقم دائرتك والأقسام اللي في الدائرة دي
في الفردي
وفي القائمة
:D دة هيساعد اننا نطلع الفلول بعد كدة
ثانياً
بعد ما خلاص عرفت مين المرشحين.. طب قررت هتنتخب منهم مين؟؟
اكيد هنلاقي اننا تقريبا منعرفش حد فيهم .. عادي طبعا لأن محدش جه حاول يوصلنا ويكلمنا
لكن ندور احنا ونعرف
ازاي هناخد بالنا مانخترش الفلول؟
في كذا طريقة
دي مجموعة من بعض اسماء الفلول عشان مانخترهمش - دول أكيد مش كلهم
ودي مجموعة تانية مقسمة بالمحافظات - وطبعا دي مش كل الفلول
http://www.emsekflol.com/ موقع امسك فلول
ممكن ندخل ونختار المحافظة ثم الدوائر والقسام لمعرفة الفلول
مثال : ازاي هلاقي الفلول اللي في دائرتي .. كالآتي
1- بعد ما دخلت رقمي القومي عرفت هنتخب فين وفين دائرتي
2- انا في الدائرة الثانية فري والأولى قوائم
من الصفحة دي: عرفت ان دي الأقسام اللي في الدائرة الثانية فردي
الزيتون
الأميرية
الوايلي
حدائق القبة
ومن الصفحة دي: عرفت ان دي الأقسام اللي في الدائرة الأولى قوائم
الساحل
روض الفرج
شبرا
الشرابية
الزاوية الحمراء
الزيتون
الأميرية
الوايلي
حدائق القبة
3- واخترت المحاقظة القاهرة http://www.emsekflol.com/ ودخلت هنا
ثم يتم اختيار قسم قسم حسب الأقسام اللي تبع الدائرة بتاعتي فردي
فلمعرفة الفلول هختار قسم الزيتون - الأميرية - الوايلي - حدائق القبة
واعرف اسماء الفلول في كل قسم من دول عشان ماخترهمش
في القائة مش محتاجين نعمل كدة لأنهم تقريبا مقسمين أحزاب وبانين مين الفلول ومين لأ زي ماهوضح دلوقت
ثالثاً
بعد ما عرفت بقدر الإمكان مين مش هختاره لأنه فلول يجي بعد كدة قرار مين اختاره
بما ان ماحدش قدم لنا برامج ولا غيره طبعا
فهختار حسب اتجاهاتي العامة
اللي ممكن تتوافق مع الاتجاهات العامة للأحزاب دي
بالنسية للقائمة سهل اننا نعرف نختار اتجاهتنا .. لكن بالنسبة للفردي صعب شوية
لو مقدرناش نعرف حد خالص في الفردي
يبقى الحل الوحيد اننا نختار الفردي اللي بتدعمهم القوائم اللي احنا اخترناها
او اي مرشحين فرديين من احزاب (ما تكنش فلول طبعا) تكون تتفق مع اتجاهتنا
يعني مثلا اذا اخترنا الكتلية او الثورة مستمرة واي قائمة تانية
يبقى الأفضل لو ماعرفش حد في الفردي اني اختار الفردي
اللي بتدعمهم القوائم دي اللي هنتخبها
إلا اذا كنت اعرف حد زي ما شرحنا من أحزاب أخرى تتفق مع اتجاهاتي
القوائم هي كالآتي (الترتيب هنا لا يدل على شئ هو فقط بترتيب المعلومات اللي جمعتها)ز
قائمة تحالف الكتله المصريه - رمز عين
→ تضم أحزاب ليبرالية واشتراكية/يسارية وبه الأحزاب الآتية
---------------------------------------------------------------
حزب المصري الديمقراطي
حزب المصريين الأحرار
حزب التجمع
قائمة ائتلاف الثوره مستمره - رمز هرم
→ تضم أحزاب ليبرالية واشتراكية/يسارية وشباب الثورة وبه الأحزاب الآتية
-------------------------------------------------------------------------------
إئتلاف شباب الثورة
الحزب الاشتراكي المصري
حزب التحالف الشعبي الإشتراكي
حزب التحالف المصري
حزب التيار المصري
حزب المساواة والتنمية
حزب مصر الحرية
قائمة العربي الديمقراطي الناصري - رمز المسدس
→ الحزب الناصري المعروف من قبل الثورة
قائمة حزب العدل - رمز الشعلة
→ حزب يقول انه يضم جميع التيارات من الشعب العام وليس تيار سياسي بعينه
به مصطفى النجار
قائمة الوفد الجديد - رمز نخلة
→ حزب الوفد المعروف
قائمة الحريه والعداله - رمز ميزان ← حزب الإخوان السلمين
قائمة الوسط - رمز مصباح كهربائى ← حزب إسلامي وسطي
قائمة النور - رمز فانوس ← حزب سلفس
أحزاب الفلول
قائمة المواطن المصرى - رمز كف
قائمة مصر القومى - رمز صاروخ
قائمة مصر الحديثه - رمز ابوالهول
قائمة المستقلين الجدد - النظارة
قائمة المحافظين - رمز الدبابة
قائمة الحريه - رمز نفرتيتى
أحزاب مجهولة - لا اعرف اي معلومات عن هذه الأحزاب
قائمة مصر الثوره - رمز هلب
قائمة الاصلاح والتنميه - رمز مفتاح
قائمة الغــد - رمز كأس
قائمة السلام الديمقراطى - رمز سيارة
قائمة الوعى - رمز فنار
قائمة الثورة المصرية - رمز الفأس
قائمة الدستور الاجتماعي - رمز سيارة اسعاف
ملحوظة هامة
قد لا تكون كل المعلومات في صفحات وموقع امسك فلول (اللي هما اصلا مش تبع بعض) صحيحة مئة في المئة .. فقد يكون هناك معلومات خاطئة عن فلول ليسوا فلول أو فلول غير موجدين في المواقع دي على انهم فلول .. لكن انا حاولت بقدر الامكان اني اجمع اللي فوق دة من اماكن مختلفة ومعلومات عن الاحزاب .. بالنسبة للأسماء كل واحد في منطقته قد يعرف ناس كانت نازلة مع الحزب الوطني قبل كدة فهيعرف إلى جانب استخدام الصفحات المذكورة سابقا .. او لو في اي صفحات خاصة بالمنطقة دي ممكن تساعد في دة
وارجوكوا ماتنسوش حاجة مهمة .. لو ان كل اللي مع الثورة على اختلاف اتجاهاتهم قرروا يقاطعوا الانتخابات او يبطلوا اصواتهم
هتكون النتيجة ان كل اللي ضد الثورة هما اللي هينجحوا واحنا كشعب بالكامل هنخسر
لأن من يرغبون في استعادة النظام السابق لا يفكرون في مصلحة الشعب ولا يفكرون إلا في مكاسبهم الشخصية
يعني لو مجلس الشعب دة أصبح مجلس من كل الوجوه السابقة واللي تلونوا بعد الثورةهتكون غلتطنا
وهنلاقي نفسنا في نظام اكثر فسادا مما سبق
المرحلة الأولى من الانتخابات من غد يوم الاثنين ويوم الثلاثاء
وللمصريين بالخارج آخر يوم اليوم الأحد .. وبالنسبة للخطوات اللي فوق كما هي
ولكن في القسم الخاص بالمصريين في الخارج http://www.elections2011.eg/ مع اختلاف الكشف في
معلومات برسم توضيحي ليوم الانتخابات
هناك خطأ صغير بهذه الصورة هو ان الصورة تقول انه لا يمكن ان نختار 2 فئات
وهذا خطأ لأننا ممكن نختار 1 فئات + 1 عمال أو 2 فئات أو 2 عمال
ولكن المفضل 1 فئات + 1 عمال حتى نقلل فرص الإعادات قدر الإمكان
لكن في جميع الأحوال الثلاثة المذكورة لا يبطل الصوت
انا موضحة الموضوع دة بالكامل في تعليق تحت الصورة اللي في اللينك السابق
ومعذرة على التأخر في كتابة هذا الموضوع
وياريت لو لقيتوا الموضوع مفيد انشروا بين الناس اللي تعرفوهوم
علشان نقدر نعرف الناس اكتر بكل التفاصيل دي
رجاء الذهاب للتصويت وان ندقق في الاختيار ليختار كل منا ما يراه افيد لوطننا
شكراً --- Please don't forget to share!
